Индонезияның Джакарта қаласында Өзбекстан жылқы және ат спорты федерациясы мен Индонезияның ат спорты федерациясы арасында өзара ынтымақтастық меморандумына қол қойылды.

Өзбекстан жылқы және ат спорты федерациясының төрағасы Бахромжон Ғозиев және Джакарта ат спорты федерациясының бас хатшысы Адена Юанита қол қойған меморандумда халықаралық тәжірибе алмасу, жас спортшыларды қолдау және оларға жаңа мүмкіндіктер жасау, бірлескен жарыстар мен іс-шаралар ұйымдастыру, ат спорты бойынша оқу жаттығуларын және семинарлар өткізу, сондай-ақ осы спортты дамыту көзделген.

Мұндай келісімдер екі мемлекеттің тек спорт саласында ғана емес, сонымен қатар мәдени және экономикалық байланыстарының да нығаюына қызмет етеді.