Өзбекстан мен Түркіменстан шекарасында трансшекаралық сауда аймақтарын құру жоспарлануда.

Инвестициялар және сыртқы сауда министрлігінің хабарлауынша, Өзбекстан Премьер -Министрінің орынбасары - Инвестициялар және сыртқы сауда министрі Сардор Умрзаков Түркіменбашы қаласында Түркіменстан Министрлер Кабинеті Төрағасының орынбасары Сердар Бердімұхамедовпен келіссөздер жүргізді. 

Кездесу барысында тараптар сауда -экономикалық, инвестициялық, көлік -логистикалық, мәдени -гуманитарлық салалардағы екіжақты ынтымақтастықтың қазіргі жағдайы мен перспективаларын талқылап, көпжақты экономикалық ынтымақтастықты кеңейтудің басымдықтарын белгілеуге және екіжақты сауданы дамыту шарттарын жақсартуға, соның ішінде қолданыстағы тарифтік және тарифтік емес кедергілерді біртіндеп жоюға және Өзбекстан мен Түрікменстан нарығына шығуды жеңілдетуге бағытталған бірлескен күш-жігерді бастауға келісті.

Екі елдің экономикасының бар әлеуетін ескере отырып, бұл шаралар жақын арада өзбек-түрікмен тауар айналымының 1 миллиард долларға дейін ұлғаяды деп күтілуде.

Сонымен қатар өзбек-түркімен шекарасында трансшекаралық сауда аймақтарын құру мәселелері қаралды. Бұл екіжақты сауданың дамуына қосымша серпін береді, оның ішінде ауыл шаруашылығы мен тұрмыстық техниканы, азық -түлік өнімдерін, құрылыс материалдарын, сондай -ақ мұнай -химия өнімдерін өзара жеткізуді ұлғайтады.

Тараптар жоспарланған екіжақты іс-шараларға дайындықты, атап айтқанда 5-6 тамызда Түркіменстанда Орталық Азия  Мемлекет басшыларының 3-ші Консультативтікездесуі мен Орталық Азия елдері экономикалық форумын талқылады.