Өзбекстандық ақын-жазушылардың туындылары Қазақстанда жарық көретін «Таң Шолпан» журналында қазақ тілінде жарық көрді.

Өзбекстан Жазушылар одағының мәліметінше, «Таң-Шолпан журналы 2023 жылды «Өзбек әдебиеті жылы» деп атаған. Осыған орай, журнал жыл басынан бері қазіргі заманауи өзбек әдебиеті өкілдерінің шығармаларын қазақ тіліне аударып, жариялап келеді.

Журналдың кезекті 5-ші санында Өзбекстанның халық жазушысы Мұхаммед Әли, жазушылар Акбар Мирзо, Ғафур Шермухаммад, ақындар Надир Жанұзақ, Хосият Рустамованың өлеңдері мен әңгімелері қазақ тілінде жарық көрді.

Жыл басынан бері журналдың үш нөмірінде белгілі өзбекстандық жазушылар Хайриддин Султан, Хуршид Достмухаммад, Наби Жалалиддин, Уйғун Рузиев, Рисолат Хайдарова, Зульфия Қуролбойқызы, Шойым Бутаев, Нормурод Норқабиловтың әңгімелері жарық көрсе, ақындардан Ешқабил Шукур, Фарида Афруз, Зульфия Моминова, Рустам Мусурмон, Мухиддин Аман, Халима Ахмет, Салим Ашур, Шодмонқул Саламның өлеңдер топтамасы қазақша жарық көрді. 

Осындай мәдени байланыстар екі елдің әдебиетін бауырлас халықтар оқырмандары арасында кеңінен насихаттауда маңызы зор.