Зангиота тумани, Назарбек қўрғонидаги 8- умумтаълим мактабининг собиқ ўқувчилари – синфдош дўстлар Ҳамидулло Аъзамов, Хурсанд Каримбоев, Олимжон Комилжонов, Алишер Зокиров ва Рустам Джумаев ўзаро маслаҳатлашиб, ўзлари ўқиган таълим даргоҳи ободлигига катта ҳисса қўшишди.

Собиқ синфдошлар – тадбиркор дўстлар қарийб 3 миллиард сўм эвазига мактаб ҳудудида спорт майдони, истироҳат боғи барпо қилдилар. Хизмат кўрсатиш давлат-хусусий шерикчилик тизими асосида йўлга қўйилди. Келиб тушаётган маблағлар эса мактаб эҳтиёжлари учун ишлатилади.

Тошкент вилояти ҳокимлиги маориф ишига қўшган ҳиссаси ҳамда ёш авлодга кўрсатаётган эътибори учун ушбу саховатпеша фуқароларга миннатдорлик билдирди.

<iframe width="640" height="360" src="https://www.youtube.com/embed/FiFbqhQAuUw" title="Зангиоталик синфдошлар ўқиган мактабини обод қилди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

ЎзА.