Замонавий Ўзбекистон суғурта бозори
Пойтахтимиздаги “International Hotel Tashkent” меҳмонхонасида “Замонавий Ўзбекистон суғурта бозори” номли Халқаро Тошкент конференцияси ўз ишини бошлади.
Пойтахтимиздаги “International Hotel Tashkent” меҳмонхонасида “Замонавий Ўзбекистон суғурта бозори” номли Халқаро Тошкент конференцияси ўз ишини бошлади.
Тадбир Президентимизнинг жорий йил 2 августдаги “Ўзбекистон Республикасининг суғурта бозорини ислоҳ қилиш ва унинг жадал ривожланишини таъминлаш чора-тадбирлари тўғрисида”ги қарори билан тасдиқланган 2019-2020 йилларда Ўзбекистон Республикасининг суғурта бозорини жадал ривожлантириш бўйича “Йўл харитаси”га мувофиқ ташкил этилди.
9 ноябрга қадар давом этадиган конференцияда Буюк Британия, АҚШ, Россия, Германия, Хитой, Украина давлатларидан келган суғурта соҳасининг етакчи экспертлари ва миллий компаниялар вакилларининг маърузалари тингланади. Экспертлар мамлакатимиз суғурта бозорини ислоҳ қилиш ва жадал ривожлантириш йўналишлари, миллий ва халқаро суғурта бозорларининг ҳозирги ҳолати ва истиқболлари, Ўзбекистон учун глобал мўлжаллар ва тенденциялар, капитал бозорини кенгайтиришда суғурта ва пенсияларнинг роли каби масалаларни муҳокама қилади. Шунингдек, Ўзбекистонда мажбурий тиббий суғуртани татбиқ қилиш ва об-ҳаво билан боғлиқ хавф-хатарлардан пахта, полиз ва кўп йиллик ўсимликлар ҳосилини суғурта қилиш каби долзарб мавзулар хусусида сўз юритилади.
Реклама ҳуқуқи асосида.