FOTOREPORTAJ

Buxoro viloyat qon quyish stansiyasida qon komponentini ajratish separatori o‘rnatildi. 

Xalqaro standartlarga javob beradigan ushbu tibbiy apparat to‘liq avtomatlashtirilgan tizimda ishlashga moslashgan bo‘lib, uning yordamida bir marotabalik steril to‘plamlardan foydalangan holda qon komponentlari tayyorlanadi. Ushbu komponentlar trombotsitopenik qon ketishlarda, leykoz, onkogematologik singari kasalliklarda juda zarur bo‘ladi. 

Buxoro viloyat qon quyish stansiyasi 2 milliondan ortiq aholiga tibbiy xizmat ko‘rsatadi. Stansiyaga murojaat qilgan homilador yoki yosh bolali onalar hamda nogironligi bo‘lgan shaxslar uchun ham qulay sharoitlar yaratilgan. Ayni paytda bu yerda raqamlashtirish ishlari jadal davom ettirilmoqda. 

Stansiyada faoliyat yuritayotgan tibbiy xodimlar bo‘sh vaqtidan unumli foydalanishi uchun kutubxona va sport zali tashkil qilingan.

Tohir ISTATOV (surat), O‘zA