Пойтахтимизда ихтисослаштирилган таълим муассасалари агентлиги тизимидаги Президент, ижод, ихтисослаштирилган мактаб ва мактаб-интернати ўқувчилари ўртасида “Заковат” интеллектуал ўйини бўлиб ўтди. Шайхонтоҳур туман ихтисослаштирилган мактабида бўлиб ўтган билимлар беллашувида 7 та жамоа иштирок этди.

Якуний натижаларга кўра, Абдулла Қодирий номидаги ижод мактаби  “Заковат” ўйинида ғолиб чиқди. Кейинги ўринлар Шайхонтоҳур ҳамда Сергели туманларида фаолият олиб бораётган ихтисослаштирилган мактаблар жамоаларига насиб этди.

Ғолиб ва совриндорлар ташкилий қўмита томонидан таъсис этилган диплом, кубок ҳамда китоблар тўплами билан тақдирланди.

[gallery-15705]

Муҳаммад АМИН(сурат),ЎзА