Poytaxtimizda ixtisoslashtirilgan ta’lim muassasalari agentligi tizimidagi Prezident, ijod, ixtisoslashtirilgan maktab va maktab-internati o‘quvchilari o‘rtasida “Zakovat” intellektual o‘yini bo‘lib o‘tdi. Shayxontohur tuman ixtisoslashtirilgan maktabida bo‘lib o‘tgan bilimlar bellashuvida 7 ta jamoa ishtirok etdi.

Yakuniy natijalarga ko‘ra, Abdulla Qodiriy nomidagi ijod maktabi  “Zakovat” o‘yinida g‘olib chiqdi. Keyingi o‘rinlar Shayxontohur hamda Sergeli tumanlarida faoliyat olib borayotgan ixtisoslashtirilgan maktablar jamoalariga nasib etdi.

G‘olib va sovrindorlar tashkiliy qo‘mita tomonidan ta’sis etilgan diplom, kubok hamda kitoblar to‘plami bilan taqdirlandi.

[gallery-15705]

Muhammad AMIN(surat),O‘zA