2024 yil “Samarkand Marathon” xalqaro xayriya yugurish musobaqalari turkumiga 5 yil to‘ldi. Musobaqaning bu yilgi birinchi tadbiri - “Zaamin Ultra 2024” xalqaro ultramarafoni.

Bugungi kunda mamlakatimizda sportni rivojlantirish, sog‘lom turmush sharoitini targ‘ib qilishga bo‘lgan e’tibor yuqori. Shunday oliy g‘oyani ilgari surish mamlakatimiz turizm salohiyatini namoyish etishga, yoshlarimizni birlashtirishga xizmat qilmoqda.

1-2 iyun kunlari O‘zbekiston Madaniyat va san’atni rivojlantirish jamg‘armasi tashabbusi bilan o‘tkazilgan “Zaamin Ultra 2024” xalqaro ultramarafoni “Sog‘lik uchun birlashaylik va ekologiyani asraylik” shiori ostida minglab ishtirokchini bir nuqtaga yig‘di.

“Samarkand Marathon” xayriya yugurish musobaqalari turkumini ochib bergan mazkur musobaqa oldidan Jizzax  viloyatidagi Zomin milliy tabiat bog‘ida kecha oqshom ishtirokchi va tomoshabinlar uchun konsert dasturi tashkil etildi.

Ochiq sahnada minglab tomoshabinlar ko‘z o‘ngida zamonaviy elektron musiqaga nisbatan turfa nuqtai nazarlarni ifodalovchi san’atkorlar turli go‘shalardan kelgan fuqarolar ko‘nglini xushnud etdi.

“Qaraqoom” guruhi tomonidan namoyish qilingan shou kechki Zominning bezagiga aylandi, deyish mumkin. Jamoa a’zolari allaqachon “Samarkand Marathon”, “Bukhara Night Race” va “Zaamin Ultra” ishtirokchilari uchun tanish. Namoyish davomida guruh a’zolari badiiy to‘plamlarida san’atkor indy-dance ohangiga beixtiyor ko‘chib o‘tadigan qadimgi diskoga alohida murojaat qildi.

<iframe width="650" height="420" src="https://www.youtube.com/embed/sBh8zxjg38I" title="“Zaamin Ultra 2024” xalqaro marafoni oldidan ishtirokchilar uchun konsert tashkil etildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

O‘zAni kuzatib boring, ultramarafon haqida batafsil ma’lumot beramiz.

Behruz Xudoyberdiyev, Asliddin Alijonov va Yoqubjon Meliboyev (video), O‘zA