2024 йил “Samarkand Marathon” халқаро хайрия югуриш мусобақалари туркумига 5 йил тўлди. Мусобақанинг бу йилги биринчи тадбири - “Zaamin Ultra 2024” халқаро ултрамарафони.

Бугунги кунда мамлакатимизда спортни ривожлантириш, соғлом турмуш шароитини тарғиб қилишга бўлган эътибор юқори. Шундай олий ғояни илгари суриш мамлакатимиз туризм салоҳиятини намойиш этишга, ёшларимизни бирлаштиришга хизмат қилмоқда.

1-2 июнь кунлари Ўзбекистон Маданият ва санъатни ривожлантириш жамғармаси ташаббуси билан ўтказилган “Zaamin Ultra 2024” халқаро ультрамарафони “Соғлик учун бирлашайлик ва экологияни асрайлик” шиори остида минглаб иштирокчини бир нуқтага йиғди.

“Samarkand Marathon” хайрия югуриш мусобақалари туркумини очиб берган мазкур мусобақа олдидан Жиззах  вилоятидаги Зомин миллий табиат боғида кеча оқшом иштирокчи ва томошабинлар учун концерт дастури ташкил этилди.

Очиқ саҳнада минглаб томошабинлар кўз ўнгида замонавий электрон мусиқага нисбатан турфа нуқтаи назарларни ифодаловчи санъаткорлар турли гўшалардан келган фуқаролар кўнглини хушнуд этди.

“Qaraqoom” гуруҳи томонидан намойиш қилинган шоу кечки Зоминнинг безагига айланди, дейиш мумкин. Жамоа аъзолари аллақачон “Samarkand Marathon”, “Bukhara Night Race” ва “Zaamin Ultra” иштирокчилари учун таниш. Намойиш давомида гуруҳ аъзолари бадиий тўпламларида санъаткор indy-dance оҳангига беихтиёр кўчиб ўтадиган қадимги дискога алоҳида мурожаат қилди.

<iframe width="650" height="420" src="https://www.youtube.com/embed/sBh8zxjg38I" title="“Zaamin Ultra 2024” xalqaro marafoni oldidan ishtirokchilar uchun konsert tashkil etildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

ЎзАни кузатиб боринг, ультрамарафон ҳақида батафсил маълумот берамиз.

Беҳруз Худойбердиев, Аслиддин Алижонов ва Ёқубжон Мелибоев (видео), ЎзА