Еліміздің ішкі және сыртқы саясатын, жүзеге асырылып жатқан кең ауқымды реформаларды, қоғамдағы үлкен өзгерістер мен жаңаруларды жедел әрі әділ түрде жеткізуде Өзбекстан Ұлттық ақпарат агенттігі – ӨзА өз орны мен маңыздылығын айқын көрсетті.

ӨзА – елдің ресми ақпарат көзі ретінде, оқырмандарға қызықты әрі тартымды түрде ақпарат ұсынып, Өзбекстан мен дүниедегі маңызды оқиғаларды өзбек, орыс, ағылшын, француз, неміс, испан, араб, қазақ және қытай тілдерінде дәл әрі жедел жеткізу ісінде жоғары дәрежеде қызмет атқаруда.

ӨзА 1992 жылдың 5 ақпанында Өзбекстан Республикасының Президентінің жарлығымен қайта құрылып, ресми ақпарат агенттігі ретінде жұмысын бастады. 2019 жылдың 2 желтоқсанында ӨзА қызметін жетілдіру шаралары туралы Президенттің жарлығы қабылданып, агенттіктің қызметі одан әрі дамытылды.

Қазіргі таңда ӨзА әлемнің 20-дан астам ақпарат агенттіктерімен және жетекші басылымдармен тығыз байланыс орнатып, Түркітілдес мемлекеттер ақпарат агенттіктері альянсы (ATNA), Тәуелсіз Мемлекеттер Достастығы елдерінің ақпарат агенттіктері кеңесі (Информсовет) және Ислам ынтымақтастық ұйымы ақпарат агенттіктері одағының белсенді мүшесі болып табылады.

ӨзА веб-сайтының оқырмандарының географиясы жыл сайын кеңеюде. Қазіргі уақытта Ресей, АҚШ, Нидерланды, Қытай, Германия, Қазақстан, Норвегия, Швеция, Ұлыбритания, Сингапур, Франция, Түркия, Қырғызстан, Тәжікстан, Польша, Эстония, Оңтүстік Корея, Сауд Арабиясы, Біріккен Араб Әмірліктері, Канада, Әзербайжан, Украина, Түркіменстан, Үндістан, Мысыр, Чехия, Жапония, Литва, Австралия, Пәкістан, Ирландия, Индонезия, Испания, Малайзия, Австрия, Иран, Дания, Швейцария, Финляндия сияқты әлемнің 80-ден астам елінен оқырмандар ӨзА сайтынан пайдаланады.

Өткен жылдың үшінші тоқсанында ТМД әлеуметтік медиа және бұқаралық ақпарат құралдарын мониторингтеу және талдау бойынша жетекші «Brand Analytics» зерттеу орталығының талдауына сәйкес, ӨзА веб-сайты Өзбекстандағы ең көп сілтеме жасалатын басылымдардың үштігіне енді. Әлеуметтік желілерде тұрақты оқырман саны бір миллионнан асты.

<iframe width="695" height="391" src="https://www.youtube.com/embed/OIT3tYEhIeI" title="Өзбекстан жаңалықтары ӨзА-дан басталады" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>