Ўз уйида тиббий назоратга олинди
Индонезия давлатининг Жакарта шаҳридан 54 нафар юртдошимиз чартер рейс билан 24 март куни Бухоро вилоятига олиб келинган эди.
Индонезия давлатининг Жакарта шаҳридан 54 нафар юртдошимиз чартер рейс билан 24 март куни Бухоро вилоятига олиб келинган эди. Уларнинг барчаси Бухоро туманидаги “Жўйзар” санаторийсига жойлаштирилган эди.
14 кунлик карантиндан сўнг фуқароларда олиб борилган чуқур тиббий текширувлар, лаборатор, махсус тест ва бошқа диагностик таҳлиллар натижасига кўра, ҳеч қандай касаллик аломатлари аниқланмади.
Худди шунингдек, шу йилнинг 25 март куни Россия Федерациясидан “Москва-Бухоро” чартер авиарейси орқали вилоятга олиб келинган 250 нафар фуқаро ҳам карантинга олинган ва вилоят тери-таносил касалликлари диспансерида сақланган эди. Ўтган муддат ичида ана шу фуқаролардан яна 18 нафарида хавфли касаллик аломатлари қайд этилмаганлиги сабаб, жами 72 нафар ватандошларимиз уйига жўнатилди.
Вилоят ҳокимлиги матбуот хизматининг хабарига кўра, мутасадди ташкилотлар томонидан карантинда бўлган фуқароларни касаллик тарқатиш хавфи йўқлиги боис яшаш манзилларига етиб бориши учун барча чора-тадбирлар амалга оширилди. Бошқа вилоятлардан келган фуқаролар учун махсус поезд ташкиллаштирилди. Санитария-эпидимеология қоидаларига риоя қилган ҳолда ўз уйларига кузатилди.
Улар уй шароитида маълум муддат давомида ҳудудий шифокор ва патронаж ҳамширалар томонидан тиббий кузатувда бўлади.