Меҳнат бозоридаги кучли рақобат, сунъий интеллектнинг тез ривожи ва ишдан бўшатилиш хавфи Z авлод вакилларини янги психологик ҳийлага — “fetlvotchung”га юз тутишга мажбур қилмоқда. Бу бошқаларнинг хато қилганини кузатиш орқали ўз ташвишини вақтинча енгиллаштириш жараёнидир.

Кўплаб ёш мутахассислар ортиқча вазифа, юқори талаблар ва доимий ўзини исботлаш босими остида ишлайди. Шунинг учун офисда ёки онлайн учрашувларда кимнингдир кичик хато қилгани уларга “фақат мен эмас эканман” деган тасалли бериб, ички зўриқишни қисқа муддатга камайтиради.  

Бироқ Good Men Project мутахассислари бу одатнинг хавфлари мавжудлигини таъкидлайди. Feylvotching мунтазам одатга айланса, инсон ўзига сезилмай жамоада салбий муҳит яратиши, низолар кўпайиши ва доимий негатив фикрлаш шаклланиши мумкин.  

Экспертлар соғлом иш муҳитини сақлаш учун қуйидагиларни тавсия этади:  

• Диққатни бошқаларнинг хатосига эмас, ўз вазифаларингизга қаратинг.  

• Хато қилаётган ҳамкасбни кузатиш ўрнига ёрдам таклиф қилинг.  

• Шахсий ва касбий чегараларни билинг — ҳар ким хато қилади.  

• Агар сиз таъқиб ёки босим остида қолсангиз, ҲР ёки раҳбариятга мурожаат қилинг.  

Хулоса қилиб айтганда, фейлвотчинг қисқа вақтга тинчлик бериши мумкин, аммо жамоанинг ҳақиқий фаровонлиги учун қўллаб-қувватлаш, ҳурмат ва очиқ мулоқот ҳар доим биринчи ўринда туради.  

<iframe width="560" height="315" src="https://www.youtube.com/embed/InUUexV-b6E?si=OCNkklxqptqvMLo9" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА