2026 жылы АҚШ, Канада және Мексикада өтетін әлем чемпионаты 48 команда қатысқан алғашқы турнир болмақ.

Әлем чемпионатын ұйымдастырушылар 48 команданы үш қатысушыдан тұратын 16 топқа бөлуді жоспарлаған. Дегенмен, қазір төрт қатысушыдан 12 топқа бөлу мәселесі талқылануда. Жоспар орындалса, әлем чемпионаты қазіргі кездегі 64 ойыннан 104 матчқа дейін көбейеді.

Әзірге шешім қабылданған жоқ және мүдделі тараптар алдағы айларда чемпионаттың форматын қайтадан талқылайды деп күтілуде. Кез келген шешім 2023 жылы қабылдануы керек.

Сарапшылардың пікірінше, егер ойындардың көптігіне байланысты турнирді тағы бірнеше күнге ұзартса, ФИФА да, ірі демеушілер де қарсылық білдірмейді. Олар билет сату және басқа жеңілдіктер арқылы үлкен қосымша табыс таба алады.