Shu kunlarda Madaniyat va turizm vazirligi vakillari turizm sohasida hamkorlikni kengaytirish maqsadida Gruziyaning Tbilisi shahrida bo‘lib turibdi. Vazirlik mutaxassislari Gruziyaning Milliy turizm administratsiyasi rahbariyati bilan uchrashib, xorijlik rasmiyga O‘zbekistonning turizm salohiyati, sayyohlar uchun yaratilgan shart-sharoitlar, mavjud transport-logistika to‘g‘risida batafsil ma’lumotlar berdi.

Tomonlar 2023 yil sentabrda Gruziya turoperatorlari, OAV vakillari, blogerlar ishtirokida O‘zbekistonning turizm tashrif ob’ektlari bo‘ylab info-tur hamda B2B uchrashuvlari tashkil etish bo‘yicha kelishib olgan. Shuningdek, diyorimizda ichki turizmni tashkil qilish va bu borada aniq statistika yuritish bo‘yicha tajriba almashinish belgilandi.

Milliy turizm administratsiyasi Gruziya shaharlarida O‘zbekistonning turizm salohiyatini targ‘ib qilish maqsadida roud-shou tashkillashtirishda amaliy yordam ko‘rsatishini bildirgan. Ma’lumot uchun, 2023 yilning birinchi yarim yilligi – 6 oyda mamlakatimizga Gruziyadan kelgan sayyohlar soni o‘tgan yilning shu davri bilan taqqoslaganda ikki barobarga ortgan.

O‘zA