Yurtimizda Makedonskiy qurdirgan inshoot qayerda?
Surxondaryo viloyati oʻzining qadimiy tarixi, madaniyati va arxeologik yodgorliklari bilan mashhur.
Surxondaryo viloyati oʻzining qadimiy tarixi, madaniyati va arxeologik yodgorliklari bilan mashhur. Qumqoʻrgʻon tumanidagi katta soy ustidan oʻtgan qadimiy koʻprik ham ajdodlarimiz meʼmorchilik sanʼatining noyob durdonalaridan biridir.
Yoʻlovchi, transport va suv oʻtishi uchun moʻljallangan bu inshootni mahalliy aholi Makedon (Aleksandr Makedonskiy) koʻprigi, deb ataydi. Lekin koʻprikning unga hech qanday aloqasi yoʻq. Tarixiy yodgorlik XVI asrda Abdullaxon davrida barpo etilgan. Keng va baland koʻprikni bunyod etishda pishiq gʻisht, alebastr, ohak, qum kabi qurilish materiallaridan foydalanilgan. Inshoot bir paytlar qoʻshni davlatlar bilan savdo-sotiq aloqalari olib borishda muhim ahamiyat kasb etgan.
