Маълумки, шу йил 27 октябрь куни Олий Мажлис Қонунчилик палатаси ҳамда маҳаллий Кенгашлар депутатлигига сайлов бўлиб ўтади. Айни кунларда мазкур сиёсий жараёнларга қизғин ҳозирлик кўрилмоқда. Сиёсий партиялар ва депутатликка номзодлар сайловолди тарғибот-ташвиқот ишларини жадал олиб бормоқда.

Хўш, мамлакатимиз ҳаётида бўлаётган ушбу муҳим сиёсий тадбирлар ҳақида фуқаролар қанчалик хабардор? Аҳоли вакиллари сиёсий партияларнинг фаолияти ва уларнинг ғоялари ҳақида қай даражада билишади?   

Биз шу каби блиц-саволларимиз билан юртдошларимизга юзландик ва уларнинг фикрлари билан қизиқдик.   

—Яқинда юртимизда бўлиб ўтадиган сайловлар ҳақида хабардормисиз?   

— Мамлакатимизда нечта сиёсий партия бор?     

— Сизга қайси партиянинг ғоялари кўпроқ маъқул келади?   

— Ҳар бир фуқаро сайлаш ҳуқуқига эга. Сиз сайлов куни овоз беришда иштирок этасизми?   

— Аралаш сайлов тизими ҳақида нималарни биласиз?   

— Депутатликка сайланадиган номзодлар, умуман, бугунги кун депутати қандай бўлиши керак деб ўйлайсиз?   

<iframe width="640" height="420" src="https://www.youtube.com/embed/-JRdiMrCK_w" title="Yurtdoshlarimiz saylov jarayonlaridan qanchalik xabardor? — Soʻrovnoma oʻtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Шу каби саволларимизга турли ёшдаги юртдошларимизнинг фикр-мулоҳазаларини қуйидаги видеоҳаволада кўришингиз мумкин.  

Сўровномамизда иштирок этганларнинг деярли кўпчилиги сайлов жараёнларидан хабардорлигини билдирди. Аммо аралаш сайлов тизими ҳақида деярли маълумотга эга эмасликлари маълум бўлди.   

Муҳтарама Комилова,

Аброр Содиқов, Анвар Аҳмедов (видео), ЎзА