Spanish
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Yurt obodligiga barcha o‘z hissasini qo‘shmoqda
08:27 / 2023-08-13

FOTOREPORTAJ

Surxondaryo viloyati Oltinsoy tumani Obshir mahallasida “Obod xonadon”, “Obod ko‘cha” va “Obod mahalla” mezonlarini joriy etish bo‘yicha qator chora-tadbirlar amalga oshirilmoqda.  

Tuman shtabida Kambag‘allikni qisqartirish va bandlik vazirligi qoshidagi Oila va xotin-qizlar qo‘mitasi bo‘lim boshlig‘i Rahima Mirxoliqova boshchiligida mahalladagi Ko‘chaboshi ayollar va “Oqila ayollar” harakati a’zolari tomonidan “Jonajon yurtim obodligiga o‘z hissamni qo‘shaman” shiori ostida uyma uy yurilib, barcha oilalarda xonadon madaniyatini yuksaltirish, xonadonlarni obod hamda ko‘rkam qilish, qurilish me’yorlari va sanitariya-gigiyena qoidalariga rioya etish bo‘yicha tushuntirish ishlari olib borilmoqda. Xonadonlarda sog‘lom turmush tarziga rioya qilinganlik va maishiy gigiyenik vositalar bilan ta’minlanganlik holati xatlovdan o‘tkazilmoqda.  

[gallery-13112]

Viloyat hokimi o‘rinbosari Z. Xidirova rahbarligida barcha tumanlardan tashrif buyurgan Oila va xotin-qizlar bo‘limi boshliqlari - hokim o‘rinbosarlari, ijtimoiy faol xotin-qizlar hamda “Oqila ayollar” harakati a’zolari oilalarda tashqi devorlar va tomni ta’mirlash, xonadonlarni, shu jumladan, yordamchi xo‘jalik binolarini qurish va ta’mirlash, ulardan belgilangan gigiyena talablari asosida foydalanishni yo‘lga qo‘yish, yuvinish xonasini tashkil etish va jihozlash, xonadonning sanitariya-gigiyena, qurilish va yong‘in xavfsizligi talablariga javob berishini ta’minlash, deraza va romlarni bo‘yash, kommunal masalalarni hal etish, chiqindilarni olib chiqish kabi tadbirlar yuzasidan tushuntirish-targ‘ibot ishlarini olib bormoqda. O‘rganish jarayonida, ijtimoiy himoyaga muhtoj oilalarga gigiyenik vositalar, uy-ro‘zg‘or buyumlari berilayotir.  

 

Jonibek QO‘ZIMURODOV(surat),O‘zA