Куни кеча Бирлашган кураш дунёси (UWW) жорий йил декабрь ойи учун жаҳон рейтингининг янгиланган рўйхатини эълон қилди.

Эътиборли жиҳати, ортда қолаётган йил сарҳисобини ўзида акс эттирган мазкур рўйхатдан жой олган юнон-рум кураши бўйича Ўзбекистон терма жамоасининг 3 нафар аъзоси ўз вазн тоифаларида етакчилар қаторида қайд этилди.

Йил давомида ташкил этилган бир қатор халқаро турнир ва чемпионатларда юқори натижаларга эришиш ортидан қимматли очколарни жамғарган Алишер Ғаниев, Айтжан Халмаханов ва Абдулло Алиев ўз вазн тоифаларида жаҳон рейтингининг пешқадами сифатида эътироф этилди.

Т.Рўзиев, ЎзА