Бирлашган кураш дунёси (UWW) томонидан эркин, аёллар ва юнон-рум кураши бўйича 30 та вазн тоифасида энг юқори рейтингни эгаллаган полвонлар рўйхати эълон қилинди.

Қувонарлиси, юнон-рум кураши бўйича Ўзбекистон терма жамоасининг уч нафар вакили – Айтжан Халмаҳанов (-63 кг.), Алишер Ғаниев (-60 кг.) ҳамда Абдулло Алиев (-72 кг.) UWW рейтингида биринчи ўриндан жой олди.  

Қуйида юнон-рум кураши рейтингги билан танишасиз:

55 кг. — Вахтанг Лолуа (Грузия)

60 кг. — Алишер Ганиев (Ўзбекистон)

63 кг. — Айтжан Халмаҳанов (Ўзбекистон)

67 кг. — Саид Исмоили (Эрон)

72 кг. — Абдулло Алиев (Ўзбекистон)

77 кг. — Ахмет Йилмаз (Туркия)

82 кг. — Гела Болквадзе (Грузия)

87 кг. — Александр Комаров (Сербия)

97 кг. — Алекс Сёке (Венгрия)

130 кг. — Дариус Витек (Венгрия).

Афсуски, аёллар кураши ва эркин кураш бўйича UWW рейтингининг етакчи полвонлар орасида ҳамюртларимиз ўрин олмади. Аниқроқ айтадиган бўлсак, аёллар кураши бўйича Эвин Демирхан Явуз (Туркия), Антим (Ҳиндистон), Екатерина Вербина (UWW), Ҳелен Марулис (АҚШ), Сакура Ониши (Япония), Биляна Дудова (Болгария), Мива Морикава (Япония), Ами Ишии (Япония), Алла Белинская (Украина), Айпери Медет қизи (Қирғизистон) рўйхатнинг биринчи ўрнидан жой олди.

Эркин кураш бўйича UWW рейтингида етакчи полвонлар билан қуйида танишасиз:

57 кг. — Чонгсон Хан (КХДР)

61 кг. — Завур Угуев (UWW)

65 кг. — Раҳмон Амўзод (Эрон)

70 кг. — Ёшиносуке Аояги (Япония)

74 кг. — Тажмураз Салказанов (Словакия)

79 кг. — Хидир Сайпудинов (Баҳрайн)

86 кг. — Заҳид Валенсия (АҚШ)

92 кг. — Трент Хидлей (АҚШ)

97 кг. — Кайл Снайдер (АҚШ)

125 кг. — Шамил Шарипов (Баҳрайн)

Маълумот ўрнида: ҳар бир вазн тоифасида энг юқори рейтингни эгаллаган полвонга 5 минг Швейцария франки (CHF) миқдорида пул мукофоти тақдим этилади.

Жавоҳир Тошхўжаев, ЎзА