Тошкент вилоятининг Чирчиқ шаҳрида юнон-рум кураши бўйича U20 ёш тоифасида ўтказилган Ўзбекистон чемпионатида сўнгги ғолиб ва совриндорлар номи аниқ бўлди.

-60 кг. вазн тоифасида Достонбек Орипов финал беллашувида Сардор Холмирзаевни енгган ҳолда олтин медалга сазовор бўлди. Жонпўлат Тўлқинбоев ва Алиёр Отабоев мазкур вазн тоифасида шоҳсупанинг учинчи ўрнидан жой олди. -67 кг. вазнда Оғабек Муқимов, Фаёзбек Эшмирзаев, Ҳусан Ғиёсиддинов ва Авездурди Сапармуродов кучли учликни якунлаб берди.  

Шунингдек, ўз вазн тоифаларида Оғабек Аскаралиев, Бобур Абдурасулов, Саидамир Неъматов барча рақибларини таслим этиб, Ўзбекистон чемпионига айланди.  

Жавоҳир Тошхўжаев,

ЎзА