Украина ва Россия криптовалютага эгалик қилиш бўйича мамлакатлар рейтингида етакчилик қилмоқда, деб хабар қилди “ЮНКТАД”.

БМТнинг Савдо ва тараққиёт бўйича конференцияси (ЮНКТАД) молиявий барқарорликнинг барча харажати ва хавфи, ички ресурсларни жалб этиш ва криптовалютадан фойдаланишда пул тизими хавфсизлигини батафсил кўриб чиқадиган уч таҳлилий ҳужжатни чоп этди. Бу ҳақда БМТ матбуот хизмати маълум қилди.

Криптовалюта рақамли ёки виртуал шаклдаги ҳар қандай валютадир. Криптовалюта “ҳақиқий” дунёда мавжуд эмас. Масалан, биткоиннинг виртуал “танга”си энг кучли компьютер томонидан амалга ошириладиган мураккаб математик ҳисоблаш жараёни натижасидир.

ЮНКТАД аҳолиси криптовалютадан энг кўп фойдаланадиган 20 та давлат рейтингини ҳам эълон қилди. Рўйхатда Украина ва Россия етакчи, Венесуэла учинчи ўринда. Сингапур, Кения ва АҚШ кейинги поғоналардан жой олган.

«Рақамли валюта бозоридаги сўнгги ўзгаришлар криптовалютага эгалик қилиш жисмоний шахслар учун жиддий хавф туғдиришини кўрсатмоқда. Борди-ю, марказий банк молиявий барқарорликни ҳимоя қилишга йўналтирилган чораларни кўрса, муаммо ижтимоий хусусият касб этсади», – дейилади матбуот учун баёнотда.

ЮНКТАДнинг яна бир ҳужжатида криптовалюта ривожланаётган мамлакатлар ижтимоий лойиҳаларига ички ресурсларни сафарбар этишга қандай зарар кўрсатиши мумкинлиги тўғрисида гапирилган. Ҳужжат муаллифлари криптовалюта солиқ тўлашдан бош тортишга имкон тўғдириши ва ўзига хос “солиқсиз бандаргоҳ” яратилишига олиб келиши мумкинлиги таъкидланган.

Шунингдек, криптовалюта оммалашган мамлакатларда сиёсат майдони ва мақроиқтисодий барқарорликни сақлаб қолишнинг муҳим воситаси бўлган капитал ҳаракатни назорат қилиш самарадорлиги чекланиши мумкин.

Г. Абдуллаева, ЎзА