Әлемге әйгілі француз композиторы және ЮНЕСКО-ның ізгі ниет елшісі Жан-Мишель Жар көне Самарқандтың жүрегі саналатын Регистан алаңында өз шығармаларын орындады.

ЮНЕСКО және Өзбекстанның Мәдениет пен өнерді дамыту қоры (ACDF) қолдауымен ұйымдастырылған бұл мәдени бағдарлама ЮНЕСКО Бас конференциясының 43-сессиясы аясында өтті.

Әлемнің 190-нан астам елінен келген 3500-ге жуық қатысушы ұлы Регистан алаңында жиналып, музыка мен тарихтың үйлесімін тамашалады.

[gallery-26040]

Іс-шарада ЮНЕСКО Бас директоры Одри Азуле мен Өзбекстанның Мәдениет пен өнерді дамыту қорының төрайымы Гаяне Умерова да қатысып, қонақтармен бірге ерекше концерттің куәсі болды.

суреттерді түсірген А.Исроилов, ӨзА