Сўнгги 40 йилда биринчи марта ЮНЕСКО Бош конференциясининг Париждан ташқарида — Самарқандда ўтказилиши, бу аввало, ташкилотга аъзо давлатларнинг Янги Ўзбекистонда амалга оширилаётган кенг кўламли ислоҳотларга бўлган юксак ишончининг ёрқин ифодасидир.

Қолаверса, Буюк Ипак йўли чорраҳасида жойлашган қадимий Самарқанднинг тарихий қудратидан, дунё ҳамжамиятининг бу навқирон кентга нисбатан эътиборидан далолат.  

Ушбу нуфузли тадбирнинг очилиш маросимида Президентимиз Шавкат Мирзиёев иштирок этиб, нутқ сўзлади. Унда бир қатор муҳим ташаббуслар илгари сурилди. Бу ҳақда Олий Мажлис Қонунчилик палатаси депутати, ЎзЛиДеП фракцияси аъзоси Отабек Мусурмонов ўз муносабатини билдирди.  

Депутат қайд этганидек, кейинги йилларда Ўзбекистоннинг халқаро майдондаги имижи ошиб, мустаҳкамланиб бормоқда. Бу ЮНЕСКО конференциясининг Самарқандда ўтказилгани мисолида ҳам ўз аксини топди.  

Давлатимиз раҳбари ўз нутқида инклюзив таълим, хотин-қизларни қўллаб-қувватлаш, иқлим инқирозлари каби бир қатор глобал масалаларга эътибор қаратди. Шунингдек, бугунги виртуал оламдаги салбий иллатларга, инсонларга нисбатан бўлаётган ҳужумларга қарши курашишда халқаро ҳамкорликнинг ўрни, бу ўта стратегик аҳамиятга эга эканига эътибор қаратилди.  

<iframe width="650" height="420" src="https://www.youtube.com/embed/Jb1bGFWfhyk" title="YUNЕSKO konferensiyasining Samarqandda o‘tgani Yangi O‘zbekiston islohotlariga ishonch namunasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова, Анвархўжа Аҳмедов (видео), ЎзА