Ўзбекистон Республикаси Президентининг "Ўзбекистон Республикаси мустақиллигининг ўттиз тўрт йиллиги муносабати билан фан, таълим, соғлиқни сақлаш, спорт, адабиёт, маданият ва санъат соҳалари ҳамда оммавий ахборот воситалари ходимларидан бир гуруҳини мукофотлаш тўғрисида"ги фармони билан таниқли театр ва кино актрисаси Юлдуз Ражабова "Дўстлик" ордени билан тақдирланди.

Юлдуз Ражабова тарихий шахслар, замонамиз қаҳрамонлари образларини яратиш, халқимиз, айниқса ёшлар қалбида миллий истиқлол ғояларига садоқат, миллий ва умумбашарий қадриятларга ҳурмат, она-Ватанга муҳаббат, бузғунчи ғояларга қарши иммунитетни янада кучайтириш театр санъатининг ролини янада ошириш каби устувор вазифаларни амалга ошириб келаётган ёш актёрлардан биридир. У ҳозирги кунга қадар 30дан ортиқ бадиий-тўлиқ метражли фильмларда, сериал ва видеофильмларда суратга тушган. Шунингдек, Юлдуз Ражабова театр соҳасида саҳналаштирилган кўплаб спектаклларда турли жанрлардаги образларни яратиш орқали ўз истеъдодини намоён этиб келмоқда. “Юлдузли тунлар” спектаклида Хонзодабегим, режиссёр Й.Tўйчиевнинг “Монолог” спектаклида Ҳалима, У.Шекспирнинг “Қийиқ қизнинг қуйилиши” спектаклида Бянка, Узейр Гаджибековнинг “Аршин мололан” спектаклида Телли ролларини юқори савияда ижро этиб томошабинлар эътиборини қозониб келмоқда.

Юлдуз Ражабова 2021 йилда “Шуҳрат" медали билан мукофотланган.

<iframe width="791" height="445" src="https://www.youtube.com/embed/iNEws4BiH9o" title="Yulduz Rajabova: &quot;Yangi O`zbekistonda yangi davr boshlangan&quot;" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА