Ёшлар ташаббуслари дипломатик мулоқот марказида. Пойтахтимиздаги Ёшлар ижод саройида Ўзбекистоннинг хориждаги дипломатик ваколатхоналари раҳбарлари иштирокида ёшлар билан очиқ мулоқот бўлиб ўтди.

Мулоқот давомида Давлатимиз раҳбари томонидан халқаро майдонда ёшларни қўллаб-қувватлаш борасида илгари сурилган ташаббусларни амалга ошириш юзасидан олиб борилаётган ишлар ҳамда келгусидаги режалар муҳокама қилинди.

Шунингдек, учрашувда ёшларнинг таклиф ва ташаббуслари тингланиб, уларнинг лойиҳаларини халқаро даражага олиб чиқиш, фаолиятини кенгайтириш учун хорижий ҳамкорларни жалб этиш, ёш тадбиркорларни жаҳон бозорларига олиб чиқишда кўмаклашиш масалаларига алоҳида эътибор қаратилди.

Мулоқот якунида дипломатик ваколатхоналар раҳбарлари ёшлар билан доимий мулоқот янги ғоялар манбаи эканини, элчихона фаолиятида ёшлар муҳим ўрин тутишини алоҳида таъкидладилар.

<iframe width="640" height="420" src="https://www.youtube.com/embed/jtHzWFcJHU4" title="Yoshlarni eshitamiz: yoshlar elchilar bilan muloqot o`tkazdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин НУРИДДИНОВ,

Ойбек ДАВРОНОВ, Искандар Исматов (видео), ЎзА