Mamlakatimizda ekologik barqarorlikni mustahkamlash, sog‘lom va qulay muhit yaratish hamda yashil hududlarni kengaytirishga qaratilgan izchil islohotlar jarayonida ayni paytda “Yashil makon” umummilliy loyihasini alohida o‘rin tutmoqda.

Prezidentimizning ezgu tashabbusi yurtimiz bo‘ylab ekologik ongni yuksaltirish, tabiatni asrash madaniyatini rivojlantirish va aholining faolligini oshirishga xizmat qilmoqda.

“Yashil makon” loyihasi talabalar va keng jamoatchilikni birlashtirib, ekologik mas’uliyat, bunyodkorlik va birgalik ruhini mustahkamlamoqda. Bu esa yangi avlodda tabiatga mehr va mas’uliyatli munosabatni shakllantirishga hissa qo‘shadi.

Shu ma’noda, Samarqand davlat veterinariya meditsinasi, chorvachilik va biotexnologiyalar universiteti Nukus filiali talabalari “Yashil makon” umummilliy loyihasi g‘oyalari bilan hamohang ravishda o‘z faoliyatini olib bormoqda. Ularning ishtiroki ta’lim muassasasi hududidan tashqarida, mahalla va ijtimoiy jamoat hududlarida ham sezilarli ko‘rinishda namoyon bo‘lmoqda.

Jumladan filialning barcha ko‘ngilli talabalari “Telemarkaz” mahalla fuqarolar yig‘ini hududiga tashrif buyurib, obodonlashtirish va ko‘kalamzorlashtirish ishlarini amalga oshirdilar. Ular maydonlarni tozalash va daraxt ko‘chatlarini ekishda faol qatnashdilar.

Har bir ekilgan ko‘chat atrof-muhitga mas’uliyat bilan yondashish va tabiatni asrash qadriyatlarini ifodaladi. Talabalarning birgalikdagi sa’y-harakatlari ekologik madaniyatni mustahkamlashda muhim o‘rin tutdi.

Filial rahbariyatining qo‘llab-quvvatlashi ostida tashkil etilgan ushbu ezgu tashabbus talabalarda jamoatchilikka hissa qo‘shish, tabiatni muhofaza qilish va barqaror kelajakka e’tibor qaratish bo‘yicha kuchli rag‘bat uyg‘otdi. Barcha ishtirokchilar o‘z tashabbuskorligi va faolligi bilan ijtimoiy mas’uliyatni shakllantirishda muhim rol o‘ynadi.

Ushbu amaliyot shuni ko‘rsatadiki, “Yashil makon” umummilliy loyihasi doirasida talabalar ishtiroki ular orasida ekologik madaniyat hamda barqaror rivojlanish g‘oyalarini chuqur o‘zlashtirishga ko‘mak beradi. Bu esa kelajak avlod uchun sog‘lom, pok va yashil muhitni shakllantirishda alohida o‘rin egallaydi.  

Talabalarning birgalikdagi sa’y-harakatlari mahalla va jamoatchilik hududlarini obodonlashtirish, tabiatga e’tibor va mas’uliyatli munosabatni mustahkamlashda namunaviy faoliyat sifatida qadrlanmoqda.

Dovud Abibullayev, O‘zA muxbiri