ФОТОРЕПОРТАЖ

Ўзбекистон Республикаси мудофаасига кўмаклашувчи “Ватанпарвар” ташкилоти Қорақалпоғистон Республикаси кенгаши тасарруфида бугунги кунда 10 та ўқув спорт техника клуби фаолият юритмоқда.

Мазкур ўқув спорт техника клублари Тўрткўл, Элликқалъа, Беруний, Амударё, Хўжайли, Қўнғирот, Кегейли, Чимбой, Қораўзак туманлари ва Нукус шаҳрида жойлашган. Улар зарур жиҳоз ва анжомлар билан таъминланган.

[gallery-10375]

Ўтган 2002 йил давомида шаҳар ва туманлардаги ўқув спорт техника клублари томонидан ёшларни ватанпарварлик руҳида ва жисмоний тарбиялаш ҳамда уларни ҳарбий-техник мутахассисликларга тайёрлаш бўйича кенг кўламли ишлар амалга оширилди. Хусусан, зарур касбий малакага эга бўлмаган, “Темир дафтар”, “Ёшлар дафтари”да турувчи ёшларни меҳнат бозорининг эҳтиёжидан келиб чиқиб, касб-ҳунарга ўқитишни ташкил этиш, яъни, автомототранспорт воситалари ҳайдовчиларини тайёрлаш тоифалари (“А”,”В”, “ВС”, “Д”,”ВЕ”,”СЕ”,”ДЕ”) бўйича 5024 мутахассис тайёрланди.

Шунингдек, қатор вазирлик ва ташкилотлар ҳамкорлигида “Ватанпарвар” ташкилоти Қорақалпоғистон Республикаси кенгаши тасарруфидаги туман ва шаҳар ўқув спорт техника клублари томонидан спортнинг техник ва амалий турларидан мунтазам равишда спорт мусобақалари ўтказилди. Таъкидлаш жоиз, терма жамоа аъзолари авторалли, мотокросс, триатлон, дуатлон, ёзги биатлон, ўқ отиш, радиоспорт ва модел спорт турлари бўйича ўтказилган мамлакат мусобақаларида юқори натижалар кўрсатди.  

Мақсад ҲАБИБУЛЛАЕВ (сурат), ЎзА