Surxondaryoda “Ayollar daftari” va “Yoshlar daftari”ga kiritilgan fuqarolarni kasbga yo‘naltirish va ularni qo‘llab-quvvatlash borasida tizimli ishlar amalga oshirilmoqda.

Xususan, Termiz tumanida Aholi bandlikka ko‘maklashish markazi hamda “Sherobod” kasb-hunarga o‘qitish ta’lim markazi bilan hamkorlikda bugungi kunda  4 ta o‘quv kurslari tashkil etilgan bo‘lib, bu yerda tikuvchilik, ayollar sartaroshi, kashtachilik hamda kompyuter savodxonligi bo‘yicha mashg‘ulotlar yo‘lga qo‘yilgan. Afg‘oniston fuqarolarini o‘qitish ta’lim markazi binosida tashkil etilgan ushbu o‘quv kurslarida hozirda 50 nafar yosh va xotin-qiz mahorat oshirayotir. Ta’kidlash joiz, tinglovchilar 2 haftalik o‘quv kursida kasb o‘rganish bilan birga stipendiya ham oladi.  

O‘qishni tugatgan yoshlar imtiyozli kredit olib, tadbirkorlik faoliyatini yo‘lga qo‘ymoqda.

  [gallery-3167]

Jonibek QO‘ZIMURODOV(surat),O‘zA