Маълумки, Президентимизнинг жорий йил 5 апрелдаги “Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида”ги қарорига мувофиқ ишсиз ёшларга ажратилаётган 15 сотихли ер майдонидан бир йилда 2-3 мартагача ҳосил олиш мумкин. Андижонлик ёшлар аллақачон илк ҳосилни йиғиш арафасида турибди.

Бугунги кунда 16 мингдан зиёд андижонлик ёшлар деҳқончилик сирларини пухта эгаллаган миришкорга айланмоқда.   

Хусусан, Булоқбоши тумани   Тошкечик маҳалласида ҳам ушбу қарор асосида 37 нафар ёшга 15 сотихдан унумдор ерлар ажратилган.    

Улар томонидан мазкур ерларга картошка, ловия, булғор қалампири, тарвуз каби сабзавот ва полиз экинлари экилган. Маҳалла ёшларининг меҳнатсеварлиги, ерга бўлган меҳри сабаб бугун экинлар ҳосилга кирган. Кўзланган мақсад эса юқори. Ердан олинган фойда дастурхонлар тўкинлиги ва оила даромадининг ошишига сабаб бўлади.   

<iframe width="990" height="557" src="https://www.youtube.com/embed/1ChjCfSfm7k" title="Yoshlar uchun 15 sotixdan unumdor yer ajratilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ер олиб экин эккан ёшлар билан ташкил этилган интервьюнинг тўлиқ шаклини ЎзАнинг "You Tube" тармоғида кўришингиз мумкин.   

Гулноза Бобоева, ЎзА