Ёшлар ижод саройида "Ёшлар ҳафталиги" доирасида Мирзо Улуғбек тумани сектор раҳбарлари ва ёшлар учрашуви бўлиб ўтди.

Учрашувда туман сектор раҳбарлари томонидан ёшларнинг фикр ва мулоҳазалари, таклиф ва ташаббуслари, уларни қийнаётган муаммолар тингланди. 

Шунингдек, учрашув давомида “Ибрат фарзандлари” ҳамда волонтёрлик лойиҳалари бўйича ёшларнинг тақдимотлари намойиш қилинди. 

Ўзаро ишонч ва самимият асносида ўтган мулоқот давомида ёшлар юрт равнақи йўлида илм олиб, ғайрат ва шижоат кўрсатишларини билдирди. Учрашувда 500 нафар ёш иштирок этди. 

Гулноза Бобоева, ЎзА