“Yoshlar – kelajagimiz” jamgʻarmasi Yakkabogʻ tuman filiali tomonidan 2018 yilda 3395 million soʻm mablagʻ ajratilib, 13 nafar yosh oʻztadbirkorlik faoliyatini boshladi. Bu 75 nafar yoshning bandligi taʼminlash imkonini berdi.

Yosh tadbirkor Rustambek Ergashev qishloq sharoitida yoshlarning boʻsh vaqtini unumli oʻtkazishi uchun trenajyor zali tashkil etib, 3 ta yangi ish oʻrni yaratdi. Hozirda 100 dan ortiq qishloq yoshlari zamonaviy sharoitlarda sport bilan muntazam shugʻullanmoqda.

Yana bir yosh tadbirkor “Azizbek qandolatchi” xususiy korxonasi rahbari Jahongir Salimov jamgʻarma mablagʻi evaziga Eron davlatidan zamonaviy uskunalar keltirib, qandolat va non mahsulotlari ishlab chiqarishni yoʻlga qoʻydi. Hozir bu yerda 30 nafar kasb-hunar kolleji bitiruvchisi ish bilan taʼminlangan.

Joriy yilda “Yoshlar – kelajagimiz” jamgʻarmasi Yakkabogʻ tumani filialiga oʻz biznes rejasi bilan murojaat qilgan yoshlarning biznes loyihalari asosida yana 750 nafar yoshning bandligini taʼminlash rejalashtirilgan.