Shu kunlarda Yoshlar ishlari agentligi va qator hamkor tashkilotlar bilan birgalikda o‘quvchilarning qishki ta’tilni mazmunli o‘tkazishlarini tashkil etish maqsadida respublikamizning barcha hududlarida Intellektual olimpiada musobaqasi o‘tkazilmoqda.

Unda umumiy o‘rta ta’lim maktablari, ixtisoslashtirilgan va Prezident maktablari hamda o‘rta maxsus va professional ta’lim muassasalarining o‘quvchilari ishtirok etdi.

Iqtidorli yoshlarning mantiqiy bilimlarini oshirish, ularni saralash va intellektual o‘yinlarga keng jalb qilish, ushbu o‘yinlar tashkil qilinishini davlat tomonidan qo‘llab-quvvatlash va zarur shart-sharoitlar yaratish, shuningdek, aholining intellektual salohiyatini yuksaltirish maqsadida tashkil etilgan musobaqalarda o‘quvchilar "Zakovat", "Breyn-ring" hamda "Shaxsiy o‘yin" bahslarida o‘zaro bellashdi.

Gulnoza Boboyeva,

O‘zA