Buxoro viloyati Kogon tumanida “Mehr daftari” ga kiritilgan 11 nafar voyaga yetmaganlarning muammolari o‘rganildi.

“Mehr daftari” jamg‘armasi mablag‘lari hisobidan 39 million so‘m mablag‘ evaziga turli musiqa asboblari, sport kiyimlari, maktab formasi, qishki kiyimlar hamda boshqa anjomlar xarid qilinib topshirildi.  

–“Mehr daftari” orqali yetim bolalar va ota-ona qaramog‘idan mahrum bo‘lgan bolalarga yangi imkoniyatlar yaratildi,  –deydi Kogon tumani hokimi o‘rinbosari Zubaydullo Sharipov. –Ular o‘zlarining hozir hamda kelajakdagi hayotini to‘liq shakllantirib olishi uchun imkon yaratib berildi.  

Zarif Komilov, O‘zA