Ёш велоспортчиларимиз Хитойда ўтаётган жаҳон чемпионатида қатнашмоқда
Шу кунларда Хитойнинг Лоян шаҳрида велоспортнинг трек йўналиши бўйича ёшлар ўртасида жаҳон чемпионати ўтказилмоқда.
Дунёнинг етакчи велоспорт жамоалари иштирок этаётган чемпионатда ўзбекистонлик ёш спортчилар ҳам ўз имкониятларини синовдан ўтказмоқда.
Бугун, 21август куни чемпионатнинг иккинчи кунги баҳсларида терма жамоамиз аъзоси Самира Исмоилова гуруҳ пойгасида, Алимардон Жамолиддинов эса скрэтч дастурида ғолиблик учун стартга чиқади.
Чемпионат 25 августга қадар давом этади.
Т.Рўзиев,
ЎзА