Шри-Ланканинг Коломбо шаҳрида теннис бўйича ўсмирлар ўртасида ўтаётган халқаро турнирда мамлакатимиз шарафини Ҳамиджон Мансуров ва Самира Камолова ҳимоя қилмоқда.

Ўғил болалар ўртасидаги яккалик баҳсларининг илк даврасида Ҳ.Мансуров мезбонлар вакили Неван Каннангарани 6:1, 6:3 ҳисобида таслим этди ва иккинчи даврада кореялик Хён Намга қарши ўйин ўтказадиган бўлди.  

Шунингдек, бугун Ҳамиджон жуфтлик беллашувларида нейтрал теннисчи Александр Чернухин билан тандемда кореялик теннисчилар Жи Хён Ҳа ва Еон Жунг дуэти билан куч синашади.

Қизлар орасидаги жуфтлик баҳсларида иштирокини давом эттираётган Самира Камолова нейтрал теннисчи Мария Маркевич билан биргаликда чорак финал йўлланмаси учун ҳиндистонлик Риту Гян ва Шри-Ланка вакили Юханса Пеирис жуфтлигига қарши рақобатлашади.

Жавоҳир Тошхўжаев,

ЎзА