Андижон шаҳрида Халқаро теннис федерацияси томонидан ташкил этилган J30 таснифига кирувчи ўсмирлар ўртасидаги халқаро турнирда ғолиб ва совриндорлар номи аниқ бўлди.

Жумладан, турнирнинг яккалик баҳсларида ёш теннисчимиз Абдураҳмон Каримов финалга қадар ўтган учрашувларда ғолиб бўлган ҳолда мусобақа вице-чемпионига айланган бўлса, нейтрал теннисчи Алекс Йилин бош совринга эга чиқди. Жуфтлик беллашувларида эса Андрей Ли ва қозоғистонлик Арафат Мустафа зафар қучди.

Қизлар орасида эса нейтрал теннисчи Виктория Грутова чемпион дея эътироф этилди. Умидли спортчимиз Мадинахон Солижонова турнирда иккинчи бўлди. Жуфтликлар ўртасида Илдана Зарипова ҳамда қозоғистонлик Адема Алсейпулова дуэти ғолиб дея эътироф этилди.

Жавоҳир Тошхўжаев, ЎзА