Nukusda tennis bo‘yicha 1998-2003-yillarda tug‘ilgan o‘smirlar va qizlar o‘rtasida shahar ochiq birinchiligi bo‘lib o‘tdi.

Nukusda tennis bo‘yicha 1998-2003-yillarda tug‘ilgan o‘smirlar va qizlar o‘rtasida shahar ochiq birinchiligi bo‘lib o‘tdi.

Musobaqada Toshkent shahri, Buxoro, Navoiy, Xorazm viloyatlari va Qoraqalpog‘iston Respublikasidan jami 112 sportchi qatnashdi.

Yakkalik bahslarida o‘g‘il bolalar o‘rtasida Toshkent shahridan Albert Safoyev, Buxoro viloyatidan Azamat Luqmonov, Mironshoh Sharofiddinov, qizlar o‘rtasida Nukus shahridan Nasiba Yespolova, Oqsuluv Xudoyberganova va Buxoro viloyatidan Zaynab Toshpo‘latova g‘olib bo‘ldi.

Juftlik bahslarida o‘g‘il bolalar o‘rtasida Buxoro viloyatidan Azamat Luqmonov bilan Sherzod Hamidov birinchi o‘rinni egalladi. Qizlar bahsida nukuslik Nasiba Yespolova bilan To‘maris Duysenboyeva juftligi shohsupaning yuqori pog‘onasini zabt etdi.

Umumjamoa hisobida g‘oliblik Qoraqalpog‘iston Respublikasi yosh tennischilariga nasib etdi.