Ёш таэквондочиларимиз Осиё чемпионатида муносиб иштирок этмоқда
Вьетнамнинг Хошимин шаҳрида кадетлар ва ёшлар ўртасида Осиё чемпионати ўтказилмоқда.
Кеча кадетлар ўртасидаги мусобақалар якунланди. Аҳамиятлиси, қитаъмизнинг 20 га яқин давлатидан келган таэквондочилар ўртасида 3 та олтин, 1та кумуш ва 2та бронза медалини қўлга киритган Ўзбекистон терма жамоаси ўз тарихидаги энг яхши натижани янгилади.
Бу ҳақда Миллий олимпия қўмитаси матбуот хизмати хабар берди.
Ғолиб ва совриндорлар:
Олтин:
-37 кг: Валерия Хегай
-45 кг: Беҳруз Салимов
+65 кг: Жавоҳир Ҳидоятов
Кумуш:
-65 кг: Аҳаджон Мухторов
Бронза:
-44 кг: Мубина Бобосаидова
-55 кг: Аминахон Камолова.
Ж.ТОШХЎЖАЕВ,
ЎзА