Yosh shaxmatchilarimizning Jahon chempionatidagi gʻalabalari
Xabar berganimizdek, ayni kunlarda Turkiyaning Antaliya shahrida shaxmat boʻyicha 7 yoshdan 17 yoshgacha boʻlgan maktab oʻkuvchilari oʻrtasida Jahon chempionati bahslari qizgʻin davom etmoqda.
Xabar berganimizdek, ayni kunlarda Turkiyaning Antaliya shahrida shaxmat boʻyicha 7 yoshdan 17 yoshgacha boʻlgan maktab oʻkuvchilari oʻrtasida Jahon chempionati bahslari qizgʻin davom etmoqda.
Oʻzbekiston shaxmat federatsiyasi matbuot xizmatidan maʼlum qilishlaricha, mazkur nufuzli musobaqada mamlakatimiz terma jamoasining 7 nafar aʼzosi 2-turda ham gʻalabaga erishdi.
Jumladan, 9 yoshli oʻquvchilar oʻrtasidagi musobaqada Humoyun Bekmurodov rossiyalik Radomir Jerdevni taslim etdi. 15 yoshgacha boʻlgan oʻquvchilar orasida Javohir Sindorov mezbonlar vakili Bora Chilekni, 17 yoshlilar orasida umidli shaxmatchimiz Shamsiddin Vohidov turkiyalik Kagan Aydinchilekni, Nodirbek Yoqubboyev esa jamoadoshi Ali Qosimovni magʻlub etdi va oʻz ochkolari sonini 2taga yetkazib oldi.
Ammo, 7 yoshlilar oʻrtasidagi bahslarda dona surayotgan Akbar Allaberganov Turkiya vakili Chan Simsekka, Bahrom Bahrillayev esa rossiyalik Pyotr Grishinga imkoniyatni boy berib qoʻydi. Bu turda Zaynura Abrorova texnik gʻalabaga erishdi.
11 yoshgacha boʻlgan shaxmatchilar orasida Afruza Hamdamova turkiyalik Azra Kurnaz, 13 yoshli Umida Omonova esa boshqa bir turkiyalik Efsa Buyukdan ustun keldi.
Bugun Jahon chempionati doirasida 3-tur uchrashuvlari oʻtkaziladi.