Пойтахтимизда қиличбозликнинг шпага, рапира, сабля турлари бўйича 2008-2009 ва 2010-2012 йилларда туғилган спортчилар ўртасида мамлакат биринчилиги ўтказилмоқда.

Мусобақанинг илк кунида шпага йўналиши бўйича ғолиблар аниқланди. 12 ёшли шпагачилар ўртасида Саидбилол Алимов олтин медални қўлга киритган бўлса, 10 ёш тоифасида Каллибек Қурбонбоев ва Эвилина Соломатина шоҳсупанинг энг юқори поғонасига кўтарилди.

Мазкур мусобақани ўтказишдан мақсад болалар ва ўсмирлар ўртасида жисмоний тарбия ва спортни оммалаштириш ва бу орқали келгусида маҳоратли спортчи бўлиб камол топишлари учун замин яратишдир.

Жавоҳир ТОШХЎЖАЕВ, ЎзА