Cпорт курашлари бўйича U17 ёш тоифасидаги жаҳон чемпионати Иорданиянинг Амман шаҳрида ўтказилди. Қувонарлиси, унда иштирок этган Ўзбекистон терма жамоаси аъзолари 1 тадан олтин ва кумуш ҳамда 5 та бронза медалларига сазовор бўлди.

Аниқроқ айтадиган бўлсак, спорт курашлари бўйича ўтган ушбу чемпионатнинг эркин кураш баҳслари вазни -48 кг. тоифасида ҳамюртимиз Улуғбек Рашидов барча рақибларини енгиб, жаҳон чемпионига айланди.  

Дунё биринчилигининг юнон-рум кураши баҳсларида эса ҳамюртларимиздан Ҳусниддин Абдукаримов (-48кг.) кумуш, Умиджон Каромов (-45 кг.), Сардор Холмурзаев (-55 кг), Фарруҳ Йўлдошев (-60 кг.), Беҳрузбек Валиев (-71 кг.) ва Фахрикамол Комилжонов (-92 кг.) бронза медалини қўлга киритди.  

Шуни таъкидлаб ўтиш лозимки, юнон-рум кураш баҳсларида 1 та кумуш ва 5 та бронза медалига эга чиққан полвонларимиз умумжамоа ҳисобида иккинчи бўлди.  

Жавоҳир Тошхўжаев, ЎзА