Yosh mutaxassislar ish boshlaydi
Namangan tumani Tepaqo‘rg‘on pedagogika va servis kasb-hunar kollejini bu yil 313 nafar yigit-qiz tamomladi.
Namangan tumani Tepaqo‘rg‘on pedagogika va servis kasb-hunar kollejini bu yil 313 nafar yigit-qiz tamomladi.Kollej o‘qituvchi va o‘quvchilari, ota-onalar ishtirok etgan tadbirda bitiruvchilarga mutaxassislik diplomlari topshirildi.
– Ta’lim maskanimizda besh yo‘nalish bo‘yicha mutaxassislar tayyorlanadi, – deydi kollej direktori Tugmaxon Siddiqova. – O‘quv jarayoni amaliyot bilan uzviy tashkil etilgan. Nazariy bilimini amaliy ko‘nikmalar bilan mustahkamlagan bitiruvchilarning barchasi tegishli tashkilotlarda ish faoliyatini boshlaydi.