Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ёшлар ишлари агентлиги ҳамда қатор ҳамкор ташкилотлар томонидан ўтказилаётган Китобхонлик ҳафталиги доирасида ташкил этилган "Ёш китобхон" танловининг 15-19 ёш тоифаси бўйича ғолиблари аниқланди.

Муросасиз кечган баҳсларда Тошкент шаҳри вакили Мафтуна Умарова 361,4 балл билан 1-ўринга сазовор бўлди. 326,3 балл тўплаган қашқадарёлик Муниса Норқобилова 2-ўринга лойиқ кўрилди. Танловда кучли учликни Андижон вилоятидан китобхон қиз Дилнавоз Хайитаҳматова якунлаб берди.

1-ўрин ғолибига Президент совғаси — "Спарк" автомобили, 2-ўрин соҳибига 30 миллион сўм ва 3-ўрин соҳибига 15 миллион сўм тақдим этилди.

Гулноза БОБОЕВА, ЎзА