Пойтахтимизда Ўзбекистон Республикаси Президенти Администрацияси ҳузуридаги Оммавий ахборот воситалари учун контент тайёрлаш маркази ва “Ҳунарманд” уюшмаси ҳамкорлигида “Ёш ҳунармандлар иштирокида давра суҳбати” бўлиб ўтди.

300 нафардан ортиқ ёш ҳунармандлар иштирок этган тадбирда коррупциянинг олдини олиш ва унга қарши кураш бўйича амалга оширилаётган ишлар ҳамда уларнинг натижалари муҳокама қилинди. Шунингдек, ёшлар орасида ҳалол меҳнат, порахўрликка қарши онгли муносабат ва шаффоф рақобат муҳитини шакллантириш масалаларига алоҳида эътибор қаратилди.

Тадбирда ҳалол меҳнат ва ҳунармандчиликда устоз-шогирд анъаналари, ҳунармандларнинг ҳуқуқий саводхонлиги, онлайн савдо платформаларида шаффофлик ва имкониятлар, ёш ҳунармандларни қўллаб-қувватлаш ва креатив иқтисодий ривожланиш каби мавзуларда маърузалар тингланди.

Тадбирда қайд этилганидек, бу каби давра суҳбатлари ёш ҳунармандларга ўз ишини кенгайтириш, янги имкониятлардан хабардор бўлиш, тажрибали устозлардан маслаҳат олиш ва “Marta” иловаси орқали маҳсулотларини сотиш имкониятларини яратади.  

<iframe width="650" height="420" src="https://www.youtube.com/embed/VOi_JbzNZAE" title="Yosh hunarmandlarning huquqiy savodxonligi oshirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, Ойбек Давронов(видео), ЎзА