Италиянинг Терамо шаҳрида гандбол бўйича «51th Interamnia World Cup» мусобақаси ўтказилмоқда.

1973 йилдан бери ташкил этиб келинаётган нуфузли мусобақанинг бу йилги баҳсларида бешта қитъанинг 40 дан зиёд давлат жамоалари 5 та ёш тоифасидаги мусобақаларда иштирок этмоқда.

Мазкур мусобақада Ўзбекистон ўсмирлар терма жамоаси 18 ёшлилар ўртасидаги турнирда Ватанимиз шарафини ҳимоя қилмоқда.

«51th Interamnia World Cup»нинг U18 биринчилигида Ўзбекистон ўсмирлар терма жамоаси «В» гуруҳида Польша, Франция, Хитой Тайпейи, Ливия, Италия, Жазоир мамлакатларининг жамоалари билан жой олган.

Кеча вакилларимиз дастлабки ўйинни Италиянинг ASD «Polisportiva Città SantʼAngelo» жамоасига қарши ўтказди.

Шиддатли ва ўзига хос тарзда кечган баҳсда ҳамюртларимиз мезбонлар жамоасини 25:12 ҳисобида мағлуб этди.

Турнирнинг ғолиб ва совриндорлари 14 июлда аниқланади.

Т.Рўзиев, ЎзА