Qozog‘istonning Ostona shahrida gandbol bo‘yicha 2010-2011 yillarda tug‘ilgan yoshlar va qizlar o‘rtasida o‘tkazilayotgan "ASTANA SUP" xalqaro turnirida mamlakatimiz vakillari munosib natijalar qayd etmoqda.

Qozog‘istonning bir qator viloyat jamoalari, Rossiya terma jamoasi ishtirok etayotgan turnirda O‘zbekiston yoshlar va qizlar jamoasi hamda Namangan viloyati yosh gandbolchilari aylanma tizimdagi bahslarda kuch sinashmoqda.

Musobaqaning dastlabki o‘yinlarida mamlakatimiz yoshlar terma jamoasi a’zolari 3 ta o‘yinda maydonga tushdi va barchasida g‘alaba qozonib, yarim finalga yo‘l oldi.

Endi yurtimiz yosh gandbolchilari "ASTANA SUP" xalqaro turnirining yarim finalida Rossiya jamoasiga qarshi maydonga tushadi.

T.Ro‘ziyev, O‘zA