2024 йил – Ёшлар ва бизнесни қўллаб-қувватлаш йили

Ўзбекистон Бадиий академияси Қорақалпоғистон Республикаси бўлими кўргазмалар саройида Ёшлар ва бизнесни қўллаб-қувватлаш йилига бағишлаб истеъдодли фоторассом Исметулла Жаксиликовнинг шахсий фотокўргазмаси ташкил этилди.

Кўргазмада муаллифнинг портрет, пейзаж, архитектура жанридаги 60 дан ортиқ асари намойиш этилмоқда. 

[gallery-17745]

Очилиш маросимида таниқли фоторассомлар, олий таълим муассасалари ўқитувчилари, талаба-ёшлар ҳамда оммавий ахборот воситалари ходимлари иштирок этди. 

Ёш фоторассомнинг Хива, Чирчиқ, Хўжайли ва Нукус шаҳрида тасвирга олинган фотоасарлари айниқса, томошабинлар эътиборини ўзига жалб этмоқда.

Мақсад ҲАБИБУЛЛАЕВ(сурат),ЎзА