Пойтахтимиздаги «Universal Horses Stables» от спорти клубида конкур бўйича «Show Jumping» мусобақаси бўлиб ўтди.

Турнирнинг биринчи йўналишида 70-80 см. баландликдаги тўсиқлар оша от сакратишда Шаҳина Хўжаев «Астер» номли тулпорида олтин медални қўлга киритди. Шунингдек, ушбу йўналишда Нурмуҳаммад Камолиддинов (Арбат), Марям Хидирова (Гаюмс) шоҳсупага кўтарилди.

Иккинчи йўналишдаги баҳслар ҳам қизғин ўтди ва унда чавандозлар 70-80 см. тўсиқлардан от сакратишда рақобатлашди. Баҳслар якунида Улуғбек Усмонов (Карина), Иброҳим Йўлдошев (Бутсиффал) Алишер Эркинов (Френчи) ғолиб ва совриндорлар қаторидан жой олди.

90-100 см. баландликдаги тўсиқлардан от сакратишда Асалхон Саидаҳмедова «Артист» лақабли оти билан баландлиги 110-115 см. бўлган тўсиқлардаги конкур баҳсларида Таисия Локтева «Элис Джи» номли тулпорида шоҳсупанинг энг юқори поғонасидан жой олди.

Жавоҳир Тошхўжаев, ЎзА