Таиланднинг Бангкок шаҳрида ёшлар ўртасида ўтказилаётган "Futures Cup" халқаро турнирида иккинчи кунги баҳслар ҳам старт олди.

Биз учун аҳамиятлиси бугун Ўзбекистон терма жамоасининг 4 нафар вакили рингга кўтарилади.  

Дунёнинг 77 та давлатида 454 нафар ёш чарм қўлқоп усталари қатнашаётган ушбу мусобақанинг 9 март кунги беллашувларида вазни -55 кг. бўлган Бекзод Исмоилжонов сенегаллик боксчи Салл Моҳамедни иккинчи раундда техник нокаутга учратди ва кейинги босқичга чиқди.  

Афсуски, -57 кг. вазнда бўлиб ўтган жангда Фарзуна Рўзиева ҳиндистонлик Лонгжам Радҳаманига имкониятни бой бериб қўйди.

Мусобақанинг кечки дастурида қуйидаги икки вакилимиз жанг қилади:

-60 кг: Бобомурод Боймирзаев - Сун Жао Тинг. (Хитой Тайпейи) .

-65 кг: Иброҳим Шокиржонов - Абудужиели Кадиердинг (Хитой)  

Жавоҳир Тошхўжаев, ЎзА